點解我對催眠產生興趣並成為催眠治療師？（第二篇）

延續上一篇：

我聽到有人話「催眠治療可以幫助 diverticulitis」。

我相信大部分人第一反應同我一樣：

「吓？催眠？唔信啦，呃人嘅！」

然後心入面就開始響起把聲：

「等陣俾人催到 瘟瘟沌沌咁，講曬銀行密碼出黎之後仲呃晒你啲錢！」

腦海中即刻浮現一幕幕電影場面——有人擺個懷錶喺你面前Fing，你就即刻迷失自我，聽晒人講。

點解會有咁嘅反應？

而家我知道，呢啲都係潛意識入面根深蒂固嘅信念。

（之後我會再詳細解釋）

不過如果可以做到, 催眠師應該係全球首富.

但講真，憩室炎嘅痛楚，真係唔可以再忍落去——無論係身體定心理上。

我開始上網搵資料，學咗啲自我催眠技巧，初初都有少少幫助……

但都未夠。

最後，我報咗一個催眠師課程，一開始都唔係想做治療師，只係想幫自己應付痛楚。

結果係咩？

有效！

我發現自己啲痛，其實係由壓力引發——

啲長期壓抑、未處理嘅情緒，身體用痛去發聲。

經過催眠治療同自我催眠技巧，

我終於學識點樣釋放壓力，感覺整個人都鬆晒、輕鬆晒、自在咗。

所以我可以話：

催眠，真係幫到我100%。

用催眠治療同自我催眠技巧，學識點樣面對壓力

但我又問自己：

點解我咁大壓力？

點解啲情況成日都重複發生喺我人生入面？

直到我完成咗個思維突破療程（Mindset Empowerment Breakthrough），

我先真正搵到答案——

就係過去未釋放嘅情緒包袱。

做完療程之後，我感覺自己由內到外都痊癒咗，

人生好似重新啟動咁，整個人都唔同晒。

最後我亦完成埋呢個思維突破 課程, 希望可以幫到更多人.

 下一篇再同大家分享多啲……